Reykingar, þrumuveður og grískir siðir

Júúú komiði sæl og blessuð....

Where to start, where to start.......?

Reykingar.... það er náttúrulega eitthvað djók! Hérna reykja allir... það er ótrúlegt. Sama hvar þeir eru, hvað þeir eru að gera, sama hvenær sólarhringsins, sama hvað þeir eru gamlir.... skiptir ekki máli. Átti ennþá eftir að segja frá því þegar ég var sóttur á flugvöllinn fyrir 10 dögum síðan... ég labba inn í komusalinn á flugvellinum í Thessaloniki og þar taka á móti mér 3 karlmenn.. presidentinn og 2 menn í stjórn félagsins.. þeir halda allir á sígarettupakka og kveikjara. Við spjöllum svo saman í smástund áður en við förum í bílinn og um leið og við setjumst uppí þá kveikja þeir sér allir í rettu.. og svo var bara reykjarmökkur inní bílnum þessar 20-30 mín sem það tók að keyra til Perea... svona er þetta allsstaðar hérna.. haha ekki alveg það sem maður hefur vanist.

Yfir í annað...! Við vorum á æfingu áðan... það er kannski ekki frá sögu færandi nema fyrir það að það var búið að vera geggjað veður í allan dag, 30-35 gráður. svo þegar æfingin er ca. hálfnuð þá fer rafmagnið snögglega af öllu íþróttahúsinu og maður heyrir þessar líka svakalegu þrumur... ég ásamt nokkrum öðrum stökkvum útúr íþróttasalnum og útí andyri.... sjiiiiiit ég hef aldrei séð aðra eins rigningu og rok!!!! veðrið breyttist sem sagt á nokkrum sekúndubrotum úr 32 gráðum og algeru logni í mestu rigningu sem ég hef á ævinni séð, þvílíkt rok og massífar þrumur og eldingar... mjög svo sérstök sjón! svo u.þ.b. hálftíma síðar var allt orðið gott aftur, rafmagn komið á húsið og menn héldu áfram eins og ekkert hefði í skorist....

Hvað er meira í þessu... jú hérna er rosalegur áhugi á fótbolta og körfubolta og það skiptir varla máli hvaða sjónvarpsstöð þú stillir á... það eru 90% líkur á að það sé annað hvort verið að sýna fótbolta eða körfubolta... líka alltaf endalaust af fólki að horfa á þetta á kaffihúsum og já bara basicly allstaðar þar sem hægt er að koma sjónvörpum fyrir... maður finnur líka fyrir því að áhugi fyrir handbolta fer gríðarlega vaxandi hér í landi og maður er oft stoppaður og spurður út í handboltann... hérna er þetta tiltölulega lítið samfélag þar sem flestir virðast þekkja flesta og maður finnur að það er vel fylgst með okkur....

Af liðinu er það að frétta að það er von á 3 leikmönnum í viðbót á allranæstu dögum sem eru að sinna herskyldu... þar af er einn orvhentur hornamaður sem er virkilega góður leikmaður... hann fékk 10 daga refsingu um daginn fyrir að taka myndir á símann sinn... það er víst stranglega bannað á meðan herskyldu er gegnt... jááá ekkert steikt það! þjálfarinn er ekkert farinn að slaka á hlaupunum.. þannig að menn eru orðnir ansi þreyttir! en það verður bara að bíða og sjá hvort þessi taktík skili tilætluðum árangri á endanum.

Man ekki meira í bili....

Núna fer maður að skella inn einhverjum skemmtilegum bloggum sem verða reglulega hér eftir.... eins og t.d. maður vikunnar o.fl.

Hafið það sem allra best og verið nú dugleg við að henda commentum á kallinn!!

ÁST, FRIÐUR OG EINTÓM HAMINGJA